ਸਖਤ ਮਿਹਨਤ ਨਾਲ ਹਾਸਲ ਕੀਤੀ ਵਿੱਦਿਆ ਆਪਣਾ ਮੁੱਲ ਜਰੂਰ ਮੋੜਦੀ ਹੈ - ਹਾਕਮ ਸਿੰਘ ਠੇਕੇਦਾਰ

ਸ਼ਹੀਦ ਗੁਰਿੰਦਰ ਸਿੰਘ ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ, ਬੱਸੀਆਂ (ਲੁਧਿਆਣਾ) ਵਿਖੇ ਸ. ਦਲਬਾਰਾ ਸਿੰਘ ਉੱਪਲ ਅਤੇ ਸ਼੍ਰੀਮਤੀ ਚਿੰਤੋ ਕੌਰ ਉੱਪਲ ਯਾਦਗਾਰੀ ਸਾਲਾਨਾ ਇਨਾਮ ਵੰਡ ਸਮਾਰੋਹ ਕਰਵਾਇਆ ਗਿਆ ਜਿਸ ਵਿੱਚ ਸ਼੍ਰੀ ਸੁਖਮਨੀ ਸਾਹਿਬ ਜੀ ਦੇ ਪਾਠ ਦੇ ਭੋਗ ਉਪਰੰਤ ਪੰਥ ਪ੍ਰਸਿੱਧ ਰਾਗੀ ਜਥਾ ਭਾਈ ਗੁਰਵਿੰਦਰ ਸਿੰਘ ਬਿੰਜਲ ਵਾਲਿਆਂ ਨੇ ਅੰਮ੍ਰਿਤ ਬਾਣੀ ਦਾ ਰਸਭਿੰਨਾ ਕੀਰਤਨ ਕਰਕੇ ਸੰਗਤਾਂ ਨੂੰ ਨਿਹਾਲ ਕੀਤਾ। ਸ. ਹਾਕਮ ਸਿੰਘ ਠੇਕੇਦਾਰ, ਐੱਮ. ਐੱਲ. ਏ. ਹਲਕਾ ਰਾਏਕੋਟ ਨੇ ਸਾਲ 2022-23 ਦੌਰਾਨ ਬੋਰਡ ਦੀਆਂ ਜਮਾਤਾਂ ਬਾਰਵੀਂ (ਸਾਇੰਸ) ਵਿੱਚ ਜੋਬਨ ਸਿੰਘ ਸੈਂਭੀ (ਪਹਿਲਾ), ਊਸ਼ਾ ਰਾਣੀ (ਦੂਸਰਾ), ਗੁਰਜੀਤ ਕੌਰ (ਤੀਸਰਾ), ਬਾਰਵੀਂ (ਆਰਟਸ) ਵਿੱਚ ਸਿਮਰਨਜੀਤ ਕੌਰ (ਪਹਿਲਾ), ਸੁਖਦੀਪ ਕੌਰ (ਦੂਸਰਾ), ਰੁਪਿੰਦਰ ਕੌਰ (ਤੀਸਰਾ), ਮੈਟ੍ਰਿਕ ਵਿੱਚ ਪਰਦੀਪ ਸਿੰਘ (ਪਹਿਲਾ), ਖੁਸ਼ਪ੍ਰੀਤ ਕੌਰ (ਦੂਸਰਾ), ਗੁਰਲਾਲ ਸਿੰਘ (ਤੀਸਰਾ), ਮਿਡਲ ਵਿੱਚ ਜਸ਼ਨਦੀਪ ਕੌਰ (ਪਹਿਲਾ), ਮਨਪ੍ਰੀਤ ਕੌਰ (ਦੂਸਰਾ) ਅਤੇ ਕੋਮਲਪ੍ਰੀਤ ਕੌਰ (ਤੀਸਰਾ) ਸਥਾਨ ਤੇ ਆਉਣ ਵਾਲੇ ਵਿਦਿਆਰਥੀਆਂ ਨੂੰ ਯਾਦਗਾਰੀ ਚਿੰਨ੍ਹ ਅਤੇ ਨਕਦ ਰਾਸ਼ੀ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਨਕਦ ਇਨਾਮ ਲਈ 21,000/- ਰੁਪਏ ਦੀ ਰਾਸ਼ੀ ਸ਼੍ਰੀਮਤੀ ਜਸਵਿੰਦਰ ਕੌਰ ਧਾਲੀਵਾਲ (ਕੈਨੇਡਾ) ਸਪੁੱਤਰੀ ਸ. ਦਲਬਾਰਾ ਸਿੰਘ ਉੱਪਲ/ਸ਼੍ਰੀਮਤੀ ਚਿੰਤੋ ਕੌਰ ਉੱਪਲ ਵੱਲੋਂ ਭੇਂਟ ਕੀਤੀ ਗਈ। ਇੱਥੇ ਇਹ ਵਿਸ਼ੇਸ਼ ਤੌਰ ਤੇ ਵਰਨਣਯੋਗ ਹੈ ਕਿ ਸ਼੍ਰੀਮਤੀ ਜਸਵਿੰਦਰ ਕੌਰ ਧਾਲੀਵਾਲ (ਕੈਨੇਡਾ) ਨੇ ਸਕੂਲ ਦੀ ਵੈੱਬਸਾਈਟ ਰਾਹੀਂ ਸਕੂਲ ਨਾਲ ਈ-ਮੇਲ ਕਰਕੇ ਸੰਪਰਕ ਕੀਤਾ ਅਤੇ ਵਿਦਿਆਰਥੀਆਂ ਦੀ ਬਿਹਤਰੀ ਲਈ ਆਪਣੇ ਵੱਲੋਂ ਬਣਦਾ ਯੋਗਦਾਨ ਪਾਉਣ ਦੀ ਇੱਛਾ ਪ੍ਰਗਟ ਕੀਤੀ।

ਇਸ ਮੌਕੇ ਸਰਪੰਚ ਸ. ਜਗਦੇਵ ਸਿੰਘ ਚੀਮਾਂ (ਟੀਟੂ), ਸ. ਗੁਰਦੇਵ ਸਿੰਘ ਗਿੱਲ, ਸ. ਗਗਨਦੀਪ ਸਿੰਘ ਧਾਲੀਵਾਲ, ਸ. ਕੇਵਲ ਸਿੰਘ ਪ੍ਰਧਾਨ, ਸ. ਜੋਗਿੰਦਰ ਸਿੰਘ (ਹੂੰਝਣ ਸ਼ਟਰਿੰਗ ਸਟੋਰ, ਰਾਏਕੋਟ) ਅਤੇ ਪੱਤਰਕਾਰ ਸ. ਗੁਰਚਰਨ ਸਿੰਘ ਹੂੰਝਣ ਨੂੰ ਸਕੂਲ ਪ੍ਰਤੀ ਦਿੱਤੇ ਜਾ ਰਹੇ ਸਹਿਯੋਗ ਕਾਰਨ ਸਨਮਾਨਿਤ ਕੀਤਾ ਗਿਆ।

ਬਲਾਕ ਰਾਏਕੋਟ ਦੇ ਨੋਡਲ ਅਫਸਰ ਸ. ਗੁਰਮੇਲ ਸਿੰਘ ਪ੍ਰਿੰਸੀਪਲ, ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ, ਸਹਿਬਾਜ਼ਪੁਰਾ ਨੂੰ ਉਹਨਾਂ ਦੀਆਂ ਸਕੂਲ ਪ੍ਰਤੀ ਨਾਂ ਭੁਲਾਉਣਯੋਗ ਅਣਥੱਕ ਸੇਵਾਵਾਂ ਕਾਰਨ ਸਨਮਾਨਿਤ ਕੀਤਾ ਗਿਆ।

ਸਕੂਲ ਦੀ ਬਿਲਡਿੰਗ ਦੇ ਰੱਖ ਰਖਾਵ ਵਿੱਚ ਹਮੇਸ਼ਾਂ ਅੱਧੇ ਬੋਲ ਕੰਮ ਕਰਨ ਅਤੇ ਮੋਹਰੀ ਭੁਮਿਕਾ ਨਿਭਾਉਣ ਵਾਲੇ ਸ. ਬਲਵੀਰ ਸਿੰਘ ਬੀਰਾ, ਸ. ਬਲਵੀਰ ਸਿੰਘ ਪਲੰਬਰ, ਸ. ਬਲਜੀਤ ਸਿੰਘ ਇਲੈਕਟ੍ਰੀਸ਼ੀਅਨ, ਮਿਸਤਰੀ ਸ. ਜਸਵਿੰਦਰ ਸਿੰਘ ਸੋਨੀ, ਸ਼੍ਰੀ ਰਾਜੇਸ਼ ਕੁਮਾਰ ਮਿੰਟੂ, ਸ਼੍ਰੀ ਭਰਤ ਕੁਮਾਰ (ਮਾਰਬਲ ਮਿਸਤਰੀ) ਅਤੇ ਅਲੀ ਪੇਂਟਰ (ਕਲਸੀਆਂ) ਨੂੰ ਉਚੇਚੇ ਤੌਰ ਤੇ ਸਨਮਾਨਿਤ ਕੀਤਾ ਗਿਆ ਅਤੇ ਉਹਨਾਂ ਦੀਆਂ ਸਕੂਲ ਪ੍ਰਤੀ ਸੇਵਾਵਾਂ ਦੀ ਸ਼ਾਲਾਘਾ ਕੀਤੀ ਗਈ।

ਰਾਗੀ ਜਥੇ ਦਾ ਮਾਣ ਸਨਮਾਨ ਵੀ ਸ. ਹਾਕਮ ਸਿੰਘ, ਪ੍ਰਿੰਸੀਪਲ ਸ. ਗੁਰਦੀਪ ਸਿੰਘ ਅਤੇ ਸਮੂਹ ਪਤਵੰਤੇ ਸੱਜਣਾਂ ਵੱਲੋਂ ਕੀਤਾ ਗਿਆ।

ਸ. ਹਾਕਮ ਸਿੰਘ ਠੇਕੇਦਾਰ ਨੇ ਆਪਣੇ ਸੰਬੋਧਨ ਵਿੱਚ ਵਿਿਦਆਰਥੀਆਂ ਨੂੰ ਸਖਤ ਮਿਹਨਤ ਕਰਨ ਦੀ ਪ੍ਰੇਰਣਾ ਦਿੱਤੀ ਅਤੇ ਦੱਸਿਆ ਕਿ ਸਖਤ ਮਿਹਨਤ ਨਾਲ ਹਾਸਲ ਕੀਤੀ ਵਿੱਦਿਆ ਆਪਣਾ ਮੁੱਲ ਜ਼ਰੂਰ ਮੋੜਦੀ ਹੈ। ਪ੍ਰਿੰਸੀਪਲ ਸ. ਗੁਰਦੀਪ ਸਿੰਘ ਨੇ ਸਾਰੇ ਪਤਵੰਤੇ ਸੱਜਣਾਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ਅਤੇ ਸ਼੍ਰੀਮਤੀ ਜਸਵਿੰਦਰ ਕੌਰ ਧਾਲੀਵਾਲ (ਕੈਨੇਡਾ) ਵੱਲੋਂ ਆਪਣੇ ਮਾਤਾ ਪਿਤਾ ਦੀ ਯਾਦ ਵਿੱਚ ਵਿਦਿਆਰਥੀਆਂ  ਦੀ ਹੌਂਸਲਾ ਅਫਜ਼ਾਈ ਲਈ ਦਿੱਤੀ ਰਾਸ਼ੀ ਲਈ ਸਮੂਹ ਸਟਾਫ ਮੈਂਬਰ ਹਮੇਸ਼ਾਂ ਰਿਣੀ ਰਹਿਣਗੇ। ਪ੍ਰਿੰਸੀਪਲ ਸ. ਗੁਰਦੀਪ ਸਿੰਘ ਨੇ ਸ਼੍ਰੀਮਤੀ ਜਸਵਿੰਦਰ ਕੌਰ ਉੱਪਲ (ਕੈਨੇਡਾ) ਵੱਲੋਂ ਭੇਜੀਆਂ ਆਪਣੇ ਪਿਤਾ ਜੀ ਦੀਆਂ ਸਿੱਖਿਆਵਾਂ “ਤਕੜੇ ਹੋ ਕੇ ਪੜ੍ਹੋ, ਹਿੰਮਤ ਨਹੀਂ ਹਾਰਨੀ, ਬੁਰੇ ਕੰਮਾਂ ਤੋਂ ਬਚੋ, ਹਮੇਸ਼ਾਂ ਇਮਾਨਦਾਰ ਰਹੋ, ਕਿਸੇ ਨਾਲ ਬੁਰਾ ਨਹੀਂ ਕਰਨਾ” ਵਿਦਿਆਰਥੀਆਂ , ਅਧਿਆਪਕਾਂ ਅਤੇ ਪਤਵੰਤੇ ਸੱਜਣਾਂ ਨਾਲ ਸਾਂਝੀਆਂ ਕੀਤੀਆਂ। ਪ੍ਰਿੰਸੀਪਲ ਅਤੇ ਸਮੂਹ ਸਟਾਫ ਵੱਲੋਂ ਸ. ਹਾਕਮ ਸਿੰਘ ਠੇਕੇਦਾਰ, ਐੱਮ. ਐੱਲ. ਏ. ਦਾ ਯਾਦਗਾਰੀ ਚਿੰਨ੍ਹ ਅਤੇ ਸਿਰੋਪੇ ਨਾਲ ਸਨਮਾਨ ਕੀਤਾ ਗਿਆ।ਸਟੇਜ ਦਾ ਸੰਚਾਲਨ ਸ਼੍ਰੀਮਤੀ ਸੰਦੀਪ ਕੌਰ ਪੰਜਾਬੀ ਮਿਸਟ੍ਰੈੱਸ ਵੱਲੋਂ ਬਾਖੂਬੀ ਨਾਲ ਕੀਤਾ ਗਿਆ। ਅਖੀਰ ਵਿੱਚ ਸਮੂਹ ਸੰਗਤ ਨੂੰ ਗੁਰੁ ਕਾ ਲੰਗਰ ਛਕਾਇਆ ਗਿਆ।

ਇਸ ਮੌਕੇ ਨਵਦੀਪ ਕੌਰ (ਲੈਕਚਰਾਰ ਪੰਜਾਬੀ), ਜਗਦੀਪ ਸਿੰਘ (ਲੈਕਚਰਾਰ ਕੈਮਿਸਟਰੀ), ਕਮਲਦੀਪ ਕੌਰ (ਲੈਕਚਰਾਰ ਬਾਇਓਲੋਜੀ), ਮਿਸ ਬਲਵਿੰਦਰ ਕੌਰ (ਐੱਸ.ਐੱਸ. ਮਿਸਟ੍ਰੈੱਸ), ਪੁਸ਼ਪਿੰਦਰ ਕੌਰ (ਸਾਇੰਸ ਮਿਸਟ੍ਰੈੱਸ), ਸ਼੍ਰੀਮਤੀ ਬਲਵਿੰਦਰ ਕੌਰ (ਐੱਸ.ਐੱਸ. ਮਿਸਟ੍ਰੈੱਸ), ਰਮਨੀਕ ਕੌਰ (ਮੈਥ ਮਿਸਟ੍ਰੈੱਸ), ਮਨਜੀਤ ਕੌਰ (ਪੰਜਾਬੀ ਮਿਸਟ੍ਰੈੱਸ), ਕਿਰਨਦੀਪ ਕੌਰ (ਕੰਪਿਊਟਰ ਮਿਸਟ੍ਰੈੱਸ), ਗੁਰਸ਼ਰਨਜੀਤ ਕੌਰ (ਅੰਗਰੇਜ਼ੀ ਮਿਸਟ੍ਰੈੱਸ), ਮਨਜੀਤ ਸਿੰਘ (ਸਾਇੰਸ ਮਾਸਟਰ), ਅਮਨਜੋਤ ਕੌਰ (ਮੈਥ ਮਿਸਟ੍ਰੈੱਸ), ਬੇਅੰਤ ਸਿੰਘ (ਅੰਗਰੇਜ਼ੀ ਮਾਸਟਰ), ਗੁਰਮੰਤਰਪਾਲ ਕੌਰ (ਮੈਥ ਮਿਸਟ੍ਰੈੱਸ), ਸੀਮਾ ਰਾਣੀ (ਹਿੰਦੀ ਮਿਸਟ੍ਰੈੱਸ), ਜਗਪ੍ਰੀਤ ਕੌਰ (ਸਾਇੰਸ ਮਿਸਟ੍ਰੈੱਸ), ਮੀਨੂੰ ਸ਼ਰਮਾਂ (ਕੰਪਿਊਟਰ ਫੈਕਲਟੀ), ਬੌਬੀ ਥਿੰਦ (ਲਾਇਬ੍ਰੇਰੀਅਨ), ਨਵਨੀਤ ਕੁਮਾਰ (ਆਈ. ਟੀ. ਟੀਚਰ), ਜਸਵੰਤ ਸਿੰਘ (ਸਕਿਉਰਟੀ ਟੀਚਰ), ਹਰਪ੍ਰੀਤ ਸਿੰਘ (ਕਲਰਕ), ਗੁਰਮੀਤ ਸਿੰਘ (ਐੱਸ. ਐੱਲ. ਏ.), ਇਕਬਾਲ ਸਿੰਘ (ਕੈਂਪਸ ਮੈਨੇਜਰ) ਅਤੇ ਮਿਸ ਅਮਨਦੀਪ ਕੌਰ (ਪੀ. ਟੀ. ਏ.) ਹਾਜ਼ਰ ਸਨ।