ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਵੱਲੋਂ ਉਤਸ਼ਾਹ ਨਾਲ ਮਨਾਇਆ ਗਿਆ - ਅਧਿਆਪਕ ਦਿਵਸ 2023
- SGS Bassian
- Sep 6, 2023
- 1 min read
ਅੱਜ ਮਿਤੀ 05-09-2023 ਨੂੰ ਸ਼ਹੀਦ ਗੁਰਿੰਦਰ ਸਿੰਘ ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ, ਬੱਸੀਆਂ (ਲੁਧਿਆਣਾ) ਵਿਖੇ ਡਾ. ਸਰਵਪੱਲੀ ਰਾਧਾਕ੍ਰਿਸ਼ਨਨ ਜੀ ਦੇ ਜਨਮ ਦਿਨ ਨੂੰ ਸਮਰਪਿਤ ਅਧਿਆਪਕ ਦਿਵਸ ਸ. ਗੁਰਦੀਪ ਸਿੰਘ ਪ੍ਰਿੰਸੀਪਲ ਦੀ ਰਹਿਨੁਮਾਈ ਹੇਠ ਮਨਾਇਆ ਗਿਆ। ਇਸ ਮੌਕੇ ਸ੍ਰੀਮਤੀ ਨਵਦੀਪ ਕੌਰ ਲੈਕਚਰਾਰ ਪੰਜਾਬੀ, ਮਿਸ ਸੀਮਾ ਰਾਣੀ ਹਿੰਦੀ ਮਿਸਟ੍ਰੈੱਸ, ਸ਼੍ਰੀਮਤੀ ਜਗਪ੍ਰੀਤ ਕੌਰ ਸਾਇੰਸ ਮਿਸਟ੍ਰੈੱਸ ਅਤੇ ਹੋਰ ਅਧਿਆਪਕਾਂ ਨੇ ਆਪਣੇ ਵਿਚਾਰ ਪ੍ਰਗਟ ਕੀਤੇ।
ਇਸ ਮੌਕੇ ਵਿਦਿਆਰਥੀਆਂ ਹਰਮਨਪ੍ਰੀਤ ਕੌਰ (6 ਬੀ), ਸਿਮਰਨ ਕੌਰ (6 ਬੀ), ਹਰਲੀਨ ਕੌਰ (7 ਏ), ਜਸਦੀਪ ਕੌਰ (7 ਏ), ਹਰਜੋਤ ਸਿੰਘ (7 ਬੀ), ਮਨਦੀਪ ਸਿੰਘ (7 ਬੀ), ਮਨਪ੍ਰੀਤ ਕੌਰ (9 ਏ), ਜਸ਼ਨਦੀਪ ਕੌਰ (9 ਬੀ), ਸੰਦੀਪ ਕੌਰ (10 ਬੀ) ਨੇ ਅਧਿਆਪਕ ਦਿਵਸ ਦਿਵਸ ਨੂੰ ਸਮਰਪਿਤ ਕਵਿਤਾਵਾਂ ਸੁਣਾ ਕੇ ਅਧਿਆਪਕ ਦੀ ਮਹੱਤਤਾ ਬਾਰੇ ਚਾਨਣਾ ਪਾਇਆ। ਵਿਦਿਆਰਥੀਆਂ ਗੁਰਸ਼ਰਨ ਸਿੰਘ (7 ਏ), ਗਗਨਦੀਪ ਕੌਰ (12 ਸੀ) ਅਤੇ ਜੈਸਮੀਨ ਕੌਰ (12 ਸੀ) ਨੇ ਅਧਿਆਪਕਾਂ ਦਾ ਸ਼ੁਕਰਾਨਾ ਕਰਦਿਆਂ ਉਹਨਾਂ ਦੀ ਦੇਣ ਨੂੰ ਹਮੇਸ਼ਾਂ ਯਾਦ ਰੱਖਣ ਸਬੰਧੀ ਗੀਤ ਗਾਏ। ਮਨਪ੍ਰੀਤ ਕੌਰ (9 ਏ) ਅਤੇ ਜਸ਼ਨਦੀਪ ਕੌਰ (9 ਬੀ) ਨੇ ਰੋਲ ਪਲੇਅ ਕਰਕੇ ਵਿਦਿਆਰਥੀਆਂ ਦੇ ਢਿੱਡੀਂ ਪੀੜਾਂ ਪਾਉਣ ਦੀ ਕੋਸ਼ਿਸ਼ ਕੀਤੀ। ਗੁਰਪ੍ਰੀਤ ਸਿੰਘ (9 ਬੀ) ਨੇ ਕਵੀਸ਼ਰੀ ਗਾਇਨ ਕੀਤੀ। ਬਲਜਿੰਦਰ ਕੌਰ (10 ਏ) ਅਤੇ ਹਰਜੋਤ ਕੌਰ (10 ਬੀ) ਨੇ ਅਧਿਆਪਕ ਦੇ ਜ਼ਿੰਦਗੀ ਵਿੱਚ ਰੋਲ ਸਬੰਧੀ ਆਪਣੇ ਵਿਚਾਰ ਸਾਂਝੇ ਕੀਤੇ ਜਦਕਿ ਚੰਦਨ ਸਿੰਘ (12 ਬੀ) ਨੇ ਡਾ. ਸਰਵਪੱਲੀ ਰਾਧਾਕ੍ਰਿਸ਼ਨਨ ਦੇ ਜੀਵਨ ਅਤੇ ਸਿੱਖਿਆਵਾਂ ਸਬੰਧੀ ਵਿਸ਼ੇਸ਼ ਜਾਣਕਾਰੀ ਸਾਂਝੀ ਕੀਤੀ। ਸ. ਮਨਜੀਤ ਸਿੰਘ ਸਾਇੰਸ ਮਾਸਟਰ ਨੇ ਬੇਹੱਦ ਵਧੀਆ ਤਰੀਕੇ ਨਾਲ ਸਟੇਜ ਦੀ ਜ਼ਿੰਮੇਵਾਰੀ ਨਿਭਾਈ।
ਤਸਵੀਰਾਂ:- ਵਿਦਿਆਰਥੀਆਂ ਦੁਆਰਾ ਪੇਸ਼ ਕੀਤੀਆਂ ਵੱਖ ਵੱਖ ਵੰਨਗੀਆਂ ਅਤੇ ਆਪਣੇ ਵਿਚਾਰ ਸਾਂਝੇ ਕਰਦੇ ਹੋਏ ਅਧਿਆਪਕ ਸਾਹਿਬਾਨ।






















































Comments